Віншуем з Юбілеем Аляксандра Вараб'ёва!
09 красавіка 2022 г. споўнілася 50 гадоў намесніку начальніка Мазырскага міжраённага аддзела Гомельскага абласнога ўпраўлення Дзяржпрамнагляду Аляксандру Мікалаевічу Вараб'ёву.
Сёння ў Мазырскім міжраённым аддзеле са знамянальнай датай Аляксандра Мікалаевіча павіншаваў начальнік абласнога ўпраўлення Дзяржпрамнагляду Міхаіл Дайнека, начальнік і работнікі Мазырскага міжраённага аддзела, а таксама ветэраны.
Аляксандр Мікалаевіч нарадзіўся ў вёсцы Прудок Мазырскага раёна, па завяршэнні школы паступіў у Мазырскі політэхнічны тэхнікум, у 1991 годзе паступіў у Вышэйшае ваеннае інжынерна-будаўнічае вучылішча імя А.Н. Камароўскага г.Санк-Пецярбург. Аднак развал СССР унёс свае карэктывы ў далейшы лёс нашага юбіляра. У 1992 годзе Аляксандр Мікалаевіч вяртаецца на малую Радзіму і прызываецца ва Узброеныя Сілы. Пасля дэмабілізацыі працуе на розных пасадах у Мазырскай райаграпрамтэхніцы, сумяшчаючы работу з вучобай у Мазырскім дзяржаўным педагагічным інстытуце імя М.К.Крупскай.
У чэрвені 2001 года быў прыняты на працу ў Мазырскую рэгіянальную горнатэхнічную інспекцыю Гомельскага абласнога ўпраўлення Праматамнагляду старшым дзяржаўным інспектарам.
У жніўні 2002 года прызначаны на пасаду намесніка начальніка Мазырскай рэгіянальнай горнатэхнічнай інспекцыі Гомельскага абласнога ўпраўлення Праматамнагляду.
За 21 год працоўнай дзейнасці ў сістэме Дзяржпрамнагляду зарэкамендаваў сябе дысцыплінаваным, патрабавальным, адказным работнікам і кіраўніком.
За шматгадовую добрасумленную працу і вялікі асабісты ўклад у працу па забеспячэнні прамысловай бяспекі на тэрыторыі Мазырскага раёна ў 2016 годзе ўзнагароджаны Ганаровай граматай Мазырскага раённага выканаўчага камітэта. У 2021 годзе ўзнагароджаны Ганаровай граматай Дзяржпрамнагляду.
Шчыра жадаем Аляксандру Мікалаевічу здзяйснення намечаных планаў, удачы ва ўсіх пачынаннях, моцнага здароўя, яркіх і шчаслівых падзей і святочнага настрою!
Іншыя навіны
