На сайт МНС

Задачы і функцыі

Дэпартамент па нагляду за бяспечным вядзеннем работ у прамысловасці Міністэрства па надзвычайных сітуацыях Рэспублікі Беларусь (Дзяржпрамнагляд) з'яўляецца структурным падраздзяленнем з правамі юрыдычнай асобы цэнтральнага апарату Міністэрства па надзвычайных сітуацыях Рэспублікі Беларусь (МНС), якое ажыццяўляе спецыяльныя функцыі ў галіне прамысловай бяспекі, бяспекі перавозкі небяспечных грузаў.


Асноўнымі задачамі Дзяржпрамнагляду з'яўляюцца:

  • ажыццяўленне нагляднай дзейнасці ў галіне прамысловай бяспекі, перавозкі небяспечных грузаў;

  • папярэджанне няшчасных выпадкаў, аварый і інцыдэнтаў на небяспечных вытворчых аб'ектах і (або) патэнцыйна небяспечных аб'ектах і пры перавозцы небяспечных грузаў;

  • удзел у рэалізацыі дзяржаўнай палітыкі ў галіне прамысловай бяспекі, перавозкі небяспечных грузаў.


Дзяржпрамнагляд у адпаведнасці з ускладзенымі на яго абавязкамі:

  • ажыццяўляе дзяржаўны нагляд за арганізацыяй работ:
  1. у дачыненні да небяспечных вытворчых аб'ектаў і (або) патэнцыйна небяспечных аб'ектаў пры ажыццяўленні дзейнасці ў галіне прамысловай бяспекі;
  2. па забеспячэнні бяспечнай перавозкі небяспечных грузаў;
  • ва ўстаноўленым парадку праводзіць тэхнічную экспертызу, тэхнічны агляд і дыягнаставанне тэхнічных прылад, якія выкарыстоўваюцца на патэнцыйна небяспечных аб'ектах, а таксама экспертызу іх праектнай і праектна-канструктарскай дакументацыі;

  • ажыццяўляе збор, накапленне і аналіз інфармацыі аб няшчасных выпадках, якія падлягаюць спецыяльнаму расследаванню, аварыях на патэнцыйна небяспечных аб'ектах, а таксама інцыдэнтах, якія могуць прывесці да аварый, звестак аб арганізацыі вытворчага кантролю за выкананнем патрабаванняў прамысловай бяспекі, бяспекі перавозкі небяспечных грузаў, прымае меры па папярэджанні названых няшчасных выпадкаў, аварый, інцыдэнтаў;

  • праводзіць тэхнічнае расследаванне прычын аварый, інцыдэнтаў, спецыяльнае расследаванне няшчасных выпадкаў, якія адбыліся на небяспечных вытворчых і (або) патэнцыйна небяспечных аб'ектах;

  • распрацоўвае і накіроўвае рэспубліканскім органам дзяржаўнага кіравання, мясцовым выканаўчым і распарадчым органам і іншым арганізацыям абавязковыя для разгляду прапановы па пытаннях павышэння ўстойлівасці функцыянавання небяспечных вытворчых і (або) патэнцыйна небяспечных аб'ектаў;

  • удзельнічае ў ліцэнзаванні МНС дзейнасці ў галіне прамысловай бяспекі, ва ўстаноўленым парадку выдае дазволы (пасведчанні) на права выканання асобных відаў работ (аказання асобных відаў паслуг) пры ажыццяўленні дзейнасці ў галіне прамысловай бяспекі, перавозкі небяспечных грузаў;

  • рэгіструе небяспечныя вытворчыя аб'екты ў дзяржаўным рэестры небяспечных вытворчых аб'ектаў;

  • удзельнічае ў працы камісій па выпрабаваннях патэнцыйна небяспечных аб'ектаў, тэхнічных прылад;

  • інфармуе ў адпаведнасці з заканадаўствам грамадскасць аб стане бяспекі патэнцыйна небяспечных аб'ектаў;

  • распрацоўвае і прадстаўляе ў МНС:
  1. прапановы аб дзяржаўным рэгуляванні ў галіне прамысловай бяспекі, перавозкі небяспечных грузаў;
  2. прапановы па каардынацыі дзейнасці рэспубліканскіх органаў дзяржаўнага кіравання, мясцовых выканаўчых і распарадчых органаў, іншых арганізацый па забеспячэнні прамысловай бяспекі, перавозкі небяспечных грузаў;
  3. прапановы аб стане спраў па забеспячэнні прамысловай бяспекі, перавозкі небяспечных грузаў для выкарыстання іх пры падрыхтоўцы штогадовага дакладу Савету Міністраў Рэспублікі Беларусь;

  • аказвае ва ўстаноўленым парадку арганізацыям і грамадзянам платныя паслугі;

  • разглядае ва ўстаноўленым парадку звароты арганізацый і грамадзян па пытаннях, якія адносяцца да яго кампетэнцыі.


Назад

 

Instagram
Instagram
Facebook
Facebook
Министерство
Закрыть
Закрыть Закрыть Закрыть
Зачыніць

Центральный аппарат МЧС

Территориальные управления

Департаменты

Закрыть