Абследаваны патэнцыйна небяспечныя аб'екты газаразмеркавальнай сістэмы і газаспажывання СЗАТ «Белтэлекабель»
Галоўны дзяржаўны інспектар аддзела нагляду Мінскага гарадскога ўпраўлення Дзяржпрамнагляду Аляксандр Леошка правёў абследаванне на адпаведнасць патрабаванням заканадаўства ў галіне прамысловай бяспекі патэнцыйна небяспечных аб'ектаў газаразмеркавальнай сістэмы і газаспажывання (газаправодаў высокага/сярэдняга ціску, шафнага газарэгулятарнага пункта, паветранагравальнікаў).
Пры правядзенні абследавання вывучаны пытанні:
-
функцыянавання сістэмы тэхнічнага абслугоўвання і рамонту патэнцыйна небяспечных аб'ектаў газаразмеркавальнай сістэмы і газаспажывання, кацельні;
-
тэхнічнага стану сістэм аўтаматыкі бяспекі і рэгулявання вадагрэйных катлоў, дапаможнага і рэзервовага кацельнага абсталявання, ахоўных прылад катлоў, кантрольна-вымяральных прыбораў;
-
выканання работ па прадухіленні, лакалізацыі і ліквідацыі наступстваў аварый (інцыдэнтаў), звязаных з эксплуатацыяй аб'ектаў газаразмеркавальнай сістэмы і газаспажывання (правядзенні трэніровачных заняткаў па планах лакалізацыі і ліквідацыі інцыдэнтаў і аварый).
Праведзена інфармацыйна-тлумачальная работа ў працоўным калектыве суб'екта прамысловай бяспекі аб асноўных патрабаваннях заканадаўства ў галіне прамысловай бяспекі, аб парадку дзеянняў пры ўзнікненні магчымых аварыйных сітуацыях.
Таксама аказана метадычная дапамога ў частцы афармлення лакальных прававых актаў, вядзення эксплуатацыйнай дакументацыі ў адпаведнасці з патрабаваннямі тэхнічных нарматыўных прававых актаў.